საქართველოს ჭაბუკ ძიუდოისტთა ნაკრები პოლონეთში გაემგზავრა, სადაც ხვალ-ზეგ “ევროპის თასზე” იჭიდავებს. ქალაქ ბელსკო ბიალაში გასამართ ტურნირზე ირაკლი ცირეკიძის გაწვრთნილი გუნდი 9-კაციანი შემადგენლობით გამოვა. ვაჟების გარდა მედლები გოგონებშიც გათამაშდება და ქართველები ტატამზე იქაც გავლენ. გოგონათა გუნდის მთავარმა მწვრთნელმა გიორგი თენაძემ პოლონურ განაცხადში 5 შეგირდი შეიყვანა.

ჭაბუკთა ნაკრებებისთვის ბელსკო ბიალას “ევროპის თასი” ევროპის ჩემპიონატისთვის მოსამზადებელი ციკლის ერთ-ერთი ტურნირია. ევროპირველობას კი 21-23 ივნისს ესტონეთის დედაქალაქი ტალინი უმასპინძლებს.

საქართველოს ნაკრები

ვაჟები:

50კგ - ნიკო ჭიკაიძე, რობიზონ ბეგლარიშვილი, თორნიკე ნაგლიაშვილი

55კგ - ერეკლე არხოზაშვილი

73კგ - ზურაბ ლომიძე

90კგ - დავით რამაზაშვილი, გიორგი გველესიანი

+90კგ - ჯაბა მუმლაძე, ბაქარ კუხიანიძე

გოგონები:

48კგ - მზია ბებოშვილი, სალომე მარგიანი

52კგ - მარიამ ჯანაშვილი, გურანდა შოთაძე

63კგ - ხატია ჯანაშვილი