საფრანგეთის ღია პირველობაზე შარშან მოპოვებული საჩემპიონო ტიტულის შემდეგ 30 წლის ჩინელმა ნა ლიმ პირველად მოახერხა ტურნირის მოგება. სიდნეის, რომის და მონრეალის შეჯიბრებებზე ფინალური ორთაბრძოლების დათმობის შემდეგ ჩინელმა ცინცინატის Western & Southern Open-ის ქალთა ერთეულთა თანრიგის გადამწყვეტ მატჩში გერმანელ ანგელიკ კერბერს 1:6, 6:3, 6:1 მოუგო და პირველობასთან ერთად 900 სარეიტინგო ქულა და საპრიზო თანხის 385 ათასი დოლარი დაიმსახურა. ცინცინატის ფინალი საათსა და 40 წუთს გაგრძელდა, ნა ლისა და ანგელიც კერბერის ურთიერთშეხვედრათა ბალანსის ანგარიში კი 5:1 გახდა აზიელი ჩოგბურთელის სასარგებლოდ.