ევროპის 21-წლამდელთა ჩემპიონატის უქულოდ დასრულების შემდეგ, ახალგაზრდა ინგლისელებმა გულშემატკივართა იმედები ვერც მსოფლიოს ჩემპიონატზე გაამართლეს. ამჯერად 20-წლამდელთა ნაკრებმა, ბოლო ტურში ეგვიპტის დამარცხება ვერ მოახერხა და შედეგად, პეტერ ტეილორის შეგირდები ბოლო ადგილზე გავიდნენ.
F ჯგუფის მატჩების დასრულების შემდეგ ცნობილი გახდა, რომ მესამე ადგილზე გასულმა გუნდმა თავი 4 ქულას მოუყარა. ეს გუნდი უზბეკეთია, რომელიც 1/8-ფინალში გავიდა. ეს ნიშნავდა, რომ მერვედფინალის ბოლო საგზურისთვის განა, ინგლისი და ეგვიპტე იბრძოდნენ. განა შემდეგ ეტაპზე იმ შემთხვევაში გავიდოდა, თუ ინგლისი ვერ მოიგებდა და არც 3 ბურთით წააგებდა; ინგლისს მოგება ჰყოფნიდა; ხოლო ეგვიპტეს მეტოქე 3 ბურთით უნდა დაემარცხებინა.
დრო გადიოდა, ინგლისელები მომენტებს ქმნიდნენ და აფუჭებდნენ. 79-ე წუთზე, მაჰმუდ ტრეზეგემ ლამაზი გოლი გაიტანა და ევროპელები ძალიან რთულ ვითარებაში ჩააგდო - ინგლისს, შემდეგ ეტაპზე გასასვლელად, 2 გოლის გატანა სჭირდებოდა. ტეილორის შეგირდებმა არათუ გათანაბრება ვერ მოახერხეს, მე-3 დამატებულ წუთზე, მეორეც გაუშვეს და ტურნირი სამარცხვინოდ დაასრულეს. ვინაიდან ეგვიპტემ მესამე გოლი ვერ გაიტანა, 1/8-ფინალში განა გავიდა.
1/8-ფინალები
2 ივლისი - ესპანეთი-მექსიკა; საბერძნეთი-უზბეკეთი; ნიგერია-ურუგვაი; საფრანგეთი-თურქეთი.
3 ივლისი - პორტუგალია-განა; ხორვატია-ჩილე; კოლუმბია-სამხრეთ კორეა; ერაყი-პარაგვაი.
E ჯგუფი
ერაყი-ჩილე 2:1 (1:1)
გოლები: 1:0 ქამილი (15), 1:1 მორა (28), 2:1 სალმანი (67).
ეგვიპტე-ინგლისი 2:0 (0:0)
გოლები: 1:0 ტრეზეგე (79), 2:0 მაგუბი (90+3).
1. | ერაყი | 3 | 2 | 1 | 0 | 6:4 | 7 |
|
2. | ჩილე | 3 | 1 | 1 | 1 | 4:4 | 4 |
|
3. | ეგვიპტე | 3 | 1 | 0 | 2 | 4:4 | 3 |
|
4. | ინგლისი | 3 | 0 | 2 | 1 | 3:5 | 2 |
|
F ჯგუფი
უზბეკეთი-ურუგვაი 0:4 (0:1)
გოლები: 0:1 აცევედო (38), 0:2 ლოპეს ნიკოლასი (47), 0:3 დე არასკაეტა (64), 0:4 ბეტანკოურტი (77).
ხორვატია-ახალი ზელანდია 2:1 (1:0)
გოლები: 1:0 პერიკა (11), 2:0 რებიჩი (75), 2:1 ფენტონი (84, პენ).
1. | ხორვატია | 3 | 2 | 1 | 0 | 4:2 | 7 | |
2. | ურუგვაი | 3 | 2 | 0 | 1 | 6:1 | 6 | |
3. | უზბეკეთი | 3 | 1 | 1 | 1 | 4:5 | 4 | |
4. | ახალი ზელანდია | 3 | 0 | 0 | 3 | 1:7 | 0 |