თბილისელი დიდოსტატის დავიდ არუთინიანის გამარჯვებით დასრულდა პოლონეთში გამართული მსოფლიოს უგვირგვინო ჩემპიონის ადოლფ ანდერსენის რიგით 21-ე მემორიალი სწრაფ ჭადრაკში.
რაპიდში შეჯიბრის პირველი ეტაპი შვეიცარული სისტემით 9 ტურად გაიმართა. I-VIII ადგილზე გასულმა მონაწილეებმა ოლიმპიური სისტემით გააგრძელეს ასპარეზობა და ფინალში გასულმა არუთინიანმა ბელორუსი დიდოსტატი სერგეი კასპაროვი დაამარცხა.
რაპიდის შემდეგ გამართულ ბლიც-ტურნირში თბილისელმა დიდოსტატმა 11-დან 9.5 ქულით მეორე ადგილი დაიკავა.