დათა სიჭინავა კარიერას ბოლნისის “სიონში” გააგრძელებს. 25 წლის ნახევარმცველმა საქართველოს საფეხბურთო ეროვნული ჩემპიონატის პირველი წრე ფოთის “კოლხეთში” გაატარა, რომლის რიგებში ჩატარებულ 15 მატჩში 6 გოლი გაიტანა.
გასული წლის მოწურულს მას ფოთელებთან კონტრაქტი ამოეწურა და მეორე წრეში “სიონში” იასპარეზებს. აქამდე, სიჭინავას “კოლხეთის” გარდა “გაგრაში”, ბათუმის “დინამოში” და ბრესტის “დინამოში” უთამაშია.
