ლივერპული “ევერტონის” მთავარი მწვრთნელის რობერტო მარტინესის განცხადებით გუნდის ნომერ პირველი მეკარე ამერიკელი ტიმ ჰოვარდი 6 კვირის განმავლობაში ლივერპულელებს ვერ დაეხმარება.

35 წლის ვეტერან მეკარეს წვივის ტრავმა აწუხებს და პრემიერლიგაში რამდენიმე მატჩი გამოტოვება მოუწევს. ჰოვარდი “ევერტონს”, “ჰალის”, “მანჩესტერ სიტის”, “ვესტ ბრომვიჩის”, “კრისტალ პალასის” და “ლივერპულის” წინააღმდეგ ჩასატარებელ მატჩებში ვერ დაეხმარება.

მიმდინარე სეზონში ამერიკელმა გოლკიპერმა 24 შეხვედრა ჩაატარა და 33 გოლი გაუშვა.