საქართველოს ეროვნული საფეხბურთო ნაკრების მთავარი მწვრთნელის პოსტზე არაერთი კანდიდატურა განიხილება, რომელთა შორის სახელოვანი გერმანელი ლოთარ მათეუსიც გახლავთ. აღნიშნულის შესახებ განცხადება საქართველოს ფეხბურთის ფედერაციის პრეზიდენტმა ზვიად სიჭინავამ ტელეკომპანია რუსთავი-2-ზე გადაცემა “სპორთ თაიმში” სტუმრობისას გააკეთა.

სიჭინავას თქმით, ნაკრების თავკაცის პოსტზე არაერთი უცხოელი მწვრთნელის კანდიდატურა მოიაზრება, რომელთა შორის 4 გერმანელია, ერთ-ერთი კი 53 წლის მათეუსი გახლავთ. ლოთარის საფეხბურთო მოღვაწეობაზე აღარ შევჩერდებით და ამ ეტაპზე მხოლოდ იმას მოგახსენებთ, რომ ბოლოს იგი ბულგარეთის ნაკრებს ავარჯიშებდა.

მათეუსი სლავთა ეროვნულ გუნდს 2010-2011 წლებში წვრთნიდა, მას შემდეგ კი, არსად უმუშავია.