მარნეულში მიმდინარე საქართველოს ჩემპიონატს 16 წლამდე ასაკის გოგონათა შორის 3-დან 3 ქულით ერთპიროვნულად ლიდერობს  ნინო ხომერიკი.

ლიდერს ნახევარი ქულით ჩამორჩებიან: ნინო ჯალაღონია, ლილე ქორიძე, ანა თედოშვილი და დალი ნანეიშვილი.

ამავე ასაკის ბიჭების პირველობას ქულათა მაქსიმუმით ნოე თუთისანისა და გიორგი სიბაშვილის დუეტი ლიდერობს. 2.5 ქულით III-IV ადგილებს ირაკლი ახვლედიანი და გურამ კოკაია ინაწილებენ.

12-წლიან გოგონათა გათამაშებას საქართველოს მრავალგზის ჩემპიონი თამარ ესაძე და მაია ბეჭვაია დანაკარგის გარეშე ლიდერობენ, ხოლო მესამე ადგილზე 2.5 ქულით ანასტასია სიდამონიძე იმყოფება.

ბიჭების ასპარეზობაზე ქულათა მაქსიმუმით ასევე დუეტი დაწინაურდა – მარლენ გუნია და ნიკოლოზ პეტრიაშვილი.

ყველაზე უმცროს ასაკობრივ კატეგორიაში, 8 წლამდე გოგონათა შორის ქულათა მასიმუმით მარიამ ხურციძე  პირველობს. ლიდერს ნახევარი ქულით ერთბაშად 4 მონაწილე: ანა მამარდაშვილი, მარინე ღლონტი, სალომე ღღელიანი და ეკატერინე ცივაძე ჩამორჩება.

სამი ლიდერი ჰყავს 8-წლამდე ბიჭების გათამაშებას. 3-დან 3 ქულით ჩემპიონატს ლასა არველაძე, ზურაბ ავალიანი და ლუკა ფირცხალავა ლიდერობენ.