ესპანეთის ნაკრების ფეხბურთელმა მარკ კუკურელიამ მსოფლიო ჩემპიონატის ფინალში არგენტინის (1:0) დამარცხების შემდეგ კომენტარი მის მიერ დადებულ პირობაზე გააკეთა.
"რეალის" ფეხბურთელმა მუნდიალის დაწყებამდე განაცხადა, რომ თუ ესპანეთი მსოფლიო ჩემპიონატს მოიგებდა, ის ლუის დე ლა ფუენტეს სახეს დაიხატავდა სხეულზე. როგორც კუკურელიამ ფინალის შემდეგ განაცხადა, ის ამ პირობას აუცილებლად შეასრულებს.
"დიახ, პირობას აუცილებლად შევასრულებ. უბრალოდ ახლა იმაზე უნდა ვიფიქრო, თუ სად გავიკეთო ლუის დე ლა ფუენტეს ტატუ. ისეთ ადგილას დავიხატავ, რომ ჩანდეს, რადგან ხალხი მაინც მკითხავს ამის შესახებ. ამაზე სახლში გაფრენისას, თვითმფრინავში ვიფიქრებ", - განაცხადა კუკურელიამ.
შეგახსენებთ, რომ ესპანეთის ნაკრები მეორედ გახდა მსოფლიოს ჩემპიონი და ახლა, როგორც ევროპის, ისე მსოფლიოს მოქმედი ჩემპიონია.
