აკაკი შულაია საქართველოს ჩემპიონატში დაბრუნდა და კარიერას ქუთაისის „ტორპედოში“ გააგრძელებს.

მხარეებს შორის ხელშეკრულება 2027 წლის ბოლომდე გაფორმდა, კიდევ ერთი წლით გახანგრძლივების ოფციით.

შულაია 2023 წლიდან ლეგიონერი იყო: ჯერ უზბეკეთში „კიზილკუმის“ და „ლოკომოტივის“ ღირსებას იცავდა, მერე ყირგიზეთში - „აზია ტალასის“.

2022-2023 წლების სეზონი მან სწორედ „ტორპედოში“ გაატარა, სადაც 50 შეხვედრა ჩაატარა. მანამდე სხვა ქართულ გუნდებში გამოდიოდა - „მერანში“, „ცხინვალში“, „სიონში“, „დინამო თბილისსა“ და „იბერიაში“.