„მონაკოს“ ყოფილი თავდამსხმელი სერჟ როი, რომელიც კლუბში 1957 წლიდან 1962 წლამდე თამაშობდა, 93 წლის ასაკში გარდაიცვალა. მან მოიგო 1960 წლის საფრანგეთის თასი და 1961 წლის საფრანგეთის ჩემპიონატი. „მონაკომ“ თავის ოფიციალურ ვებ-გვერდზე ღრმა სამძიმარი გამოუცხადა მის ოჯახსა და მეგობრებს.

„მონაკომ“ მოიგო თავისი პირველი მნიშვნელოვანი ტიტული, 1960 წლის საფრანგეთის თასი, დამატებით დროში „სენტ-ეტიენი“ დაამარცხა 4:2. სერჟ როიმ მნიშვნელოვანი როლი ითამაშა ამ ტრიუმფში, გაიტანა გოლები წინა რაუნდებში და შემდეგ ფინალში დუბლი შეასრულა. მომდევნო წელს მონაკოელებმა პირველად მოიგეს საფრანგეთის ჩემპიონატი.

სულ როიმ „მონაკოს“ რიგებში 127 მატჩი ჩაატარა და 62 გოლი შეაგდო. კარიერის განმავლობაში მან 189 მატჩი ჩაატარა და 87 გოლი გაიტანა.