„ვილიარეალის“ მთავარმა მწვრთნელმა მარსელინომ ჩემპიონთა ლიგაზე „მანჩესტერ სიტისთან“ მატჩის წინ პრესკონფერენციაზე გიორგი მიქაუტაძის მდგომარეობაზე ისაუბრა.

ესპანელი სპეციალისტი ფიქრობს, რომ გიორგი ინგლისურ კლუბთან სათამაშოდ მზად იქნება:

„ვფიქრობ, ის კარგადაა. წინდახედულობა გამოვიჩინეთ და გადავწყვიტეთ, რომ სერიოზული ტრავმის რისკი არ გაგვეჩინა. გუშინ ჩვეულებრივად ივარჯიშა და ველოდებით, რომ დღესაც ასე ივარჯიშებს, შესაბამისად, თამაშისთვის მზად იქნება“, - თქვა მარსელინომ.

შეგახსენებთ, რომ „ვილიარეალისა“ და „მანჩესტერ სიტის“ მატჩი 21 ოქტომბერს, თბილისის დროით 23:00 საათზე გაიმართება.

გიორგი მიქაუტაძემ „ბეტისთან“ ვერ ითამაშა, რადგან დისკომფორტს გრძნობდა. ქართველი ფორვარდის აქტივში ესპანური კლუბის მაისურით ჩატარებულ 7 მატჩში 3 გოლი და 1 საგოლე პასია.