ევროპის 2024 წლის ჩემპიონატზე გუნდების განაცხადები დიდი ალბათობით 26-კაციანი იქნება.
ბრიტანული მედია წერს, რომ უეფამ გადაწყვეტილება უკვე მიიღო, უახლოეს ხანში კი, ოფიციალური განცხადებაც გაკეთდება.
განაცხადები წესით, 23-კაციანი უნდა ყოფილიყო, მაგრამ უეფას კონგრესზე მწვრთნელებს მოუსმინეს, სადაც უმეტესობამ 26-კაციანი განაცხადები გამოითხოვა და როგორც ჩანს, მათი იდეები გაიზიარეს.
ამრიგად, ვილი სანიოლს ევრო 2024-ზე 26 ფეხბურთელის წაყვანის უფლება ექნება. განაცხადის დასახელების ბოლო ვადა 7 ივნისია.
შეგახსენებთ, რომ საქართველოს ნაკრები ევროპის ჩემპიონატზე ისტორიაში პირველად ითამაშებს. ვილი სანიოლის გუნდი F ჯგუფში 18 ივნისს თურქეთს (დორტმუნდში), 22 ივნისს ჩეხეთს (ჰამბურგში) და 26 ივნისს პორტუგალიას (გელზენკირხენში) დაუპირისპირდება.
