15 აპრილს, დასავლეთ გერმანიის ნაკრებისა და ფრანკფურტის „აინტრახტის“ ყოფილი თავდამსხმელი ბერნდ ჰოლცენბაინი გარდაიცვალა. ამის შესახებ ბრიტანული ონლაინ გამოცემა The Sun იტყობინება.

წყაროს ცნობით, ყოფილი ფეხბურთელი, რომელსაც 9 მარტს 78 წელი შეუსრულდა, ხანგრძლივი, მძიმე ავადმყოფობის შემდეგ გარდაიცვალა. უპირველეს ყოვლისა, ჰოლცენბაინი ცნობილია 1976 წლის ევროპის ჩემპიონატის ფინალში გატანილი გოლით. ჯამში ბერნდმა გფრ-ის ნაკრებში 40 მატჩი ჩაატარა და ხუთი ბურთი გაიტანა.

ის დღემდე რჩება „აინტრახტის“ საუკეთესო ბომბარდირად ბუნდესლიგის მატჩებში. მის ანგარიშზე 160 გოლია.