არგენტინის ოლიმპიური საფეხბურთო ნაკრების მთავარმა მწვრთნელმა ხავიერ მასკერანომ განაცხადა, რომ პარიზის 2024 წლის ოლიმპიურ თამაშებზე „ინტერ მაიამის“ ფორვარდის, ლიონელ მესის წაყვანა სურს.

„ყველამ იცის ჩვენი მეგობრობის შესახებ. ისეთი ფეხბურთელი, როგორიც მესია, ოლიმპიადაზე აუცილებლად დაგვეხმარება, თუმცა გადაწყვეტილება მისი მისაღებია“ - განუცხადა მასკერანომ ESPN-ს.

12 თებერვალს არგენტინის ოლიმპიურმა ნაკრებმა ბრაზილია 1:0 დაამარცხა და პარიზის საგზური მოიპოვა. 2024 წლის ოლიმპიური თამაშები 26 ივლისიდან 11 აგვისტოს ჩათვლით გაიმართება.

რეგლამენტის თანახმად, ნებისმიერ გუნდს შეუძლია ასაკობრივი შეზღუდვის გარეშე სამი მოთამაშის დამატება.