„მარსელის“ ახალმა მთავარმა მწვრთნელმა, ჯენარო გატუზომ, ფრანგულ ლიგა 1-ში „მონაკოსთან“ მატჩში (2:3) დამარცხებაზე ისაუბრა.

„ცხადია, ვერ ვიქნებით ბედნიერები, როდესაც ვაგებთ. უკეთესად უნდა ვითამაშოთ, სამი გოლი გავუშვით, რომლების აცილებაც შეგვეძლო. ერთ-ერთი გოლის დროს დავიძინეთ, მესამეში „სამი-ორზე“ სიტუაცია დავუშვით. ეს არის წვრილმანი, რომელიც სწრაფად უნდა გამოსწორდეს, თორემ მატჩების მოგება ძალიან რთული იქნება. შევნიშნე ფეხბურთელების აქტიური ჩართულობა, სასიამოვნოა. მაგრამ ისინი უნდა განვითარდნენ.

დაცვაში უკეთესი თამაში გვჭირდებოდა. მეორე გოლი ცხრა მეტრიდან გავუშვით, ასეთი ეპიზოდები თავიდან უნდა ავიცილოთ. მაგრამ ამისთვის უფრო კონცენტრირებულად და ყურადღებიანად უნდა ვითამაშოთ. ტაქტიკური თვალსაზრისით წინსვლა გვჭირდება. მაგრამ პატარა დეტალები შეიცვალა.

ცხადია, ევროპა ლიგამდე დიდი დრო არ გვაქვს. მაგრამ ჩვენ უნდა ვითამაშოთ ევროპის თასზე და პატივისცემით მოვექცეთ ამ შეხვედრებს. ბევრად უკეთესი იქნებოდა, ამ ტურნირზე რომ არ ვთამაშობდე. ცოტა დრო გვაქვს, უნდა გავუმკლავდეთ სიტუაციას, სწრაფად მივხვდეთ რა უნდა გავაკეთოთ.“ - ციტირებს გატუზოს სიტყვებს L'Equipe.

შეგახსენებთ, რომ გატუზო ფრანგულ კლუბში 2023 წლის 27 სექტემბრიდან მუშაობს.