მოისეს კაისედომ „ლივერპულს“ „ჩელსი“ ამჯობინა, მაგრამ პრემიერლიგის ისტორიაში ყველაზე ძვირადღირებული ფეხბურთელი მაინც გახდება.

ფაბრიციო რომანოს ცნობით, „არისტოკრატებში“ მისი ტრანსფერი საბოლოოდ გადაწყდა. ეკვადორელი „ჩელსისთან“ კონტრაქტს 2031 წლამდე, ერთი წლით განახლების ვარიანტით გააფორმებს. სამედიცინო შემოწმება უკვე ჩანიშნულია.

„ბრაიტონი“ 115 მილიონ გირვანქა სტერლინგს მიიღებს, რითაც ეს პრემიერლიგის ისტორიაში სარეკორდო ტრანსფერი იქნება.

21 წლის ფეხბურთელმა კარიერა „ინდეპენდიენტე დელ ვალეში“ დაიწყო, შემდეგ „ბეერსხოტში“ ითამაშა, ხოლო „ბრაიტონში“ 53 მატჩში 2 გოლი აქვს გატანილი. ამრიგად, კაისედო ისტორიაში შევა, როგორც ინგლისში ყველაზე ძვირად გაყიდული ფეხბურთელი.