„დინამო ბათუმის“ მთავარმა მწვრთნელმა გია გეგუჩაძემ „ტირანასთან“ მატჩის წინ კომენტარი გააკეთა. როგორც მან აღნიშნა, რთულ თამაშს ელოდება და მეტოქეზე ბევრ ინფორმაციას არ ფლობს.

„თავს კარგად ვგრძნობთ. განწყობა თამაშის მნიშვნელობის შესაბამისი, ადეკვატური და ჩვეულებრივია. საბრძოლო განწყობაა. ჩვენმა მეტოქემ დახურა ყველაფერი, ჩვენთვის ძალიან ნაკლებად იყო ინფორმაცია ხელმისაწვდომი ბოლო პერიოდში. უბრალოდ ვიცით, რამდენი და როგორ ფეხბურთელი დაიმატებს. ვფიქრობ, მეტოქე საკმაოდ გაძლიერდა. ძალიან რთული თამაშის მოლოდინი გვაქვს და მეტოქეზე ბევრ რამეს უშუალოდ მინდორზე გავიგებთ“, - თქვა გეგუჩაძემ.

შეგახსენებთ, რომ „ტირანასა“ და „დინამო ბათუმის“ მატჩი თბილისის დროით 22:00 საათზე გაიმართება.