ლეგენდარულმა იტალიელმა მწვრთნელმა მარჩელო ლიპიმ „ნაპოლის“ შესახებ ისაუბრა. „იუვენტუსის“ და იტალიის ნაკრების ყოფილი თავკაცი ფიქრობს, რომ ლუჩანო სპალეტი გუნდში უნდა დარჩეს და გამარჯვება მომდევნო სეზონშიც სცადოს.

„ნაპოლიში“ ერთი წელი ვიმუშავე და ამიტომ, მიხარია, რომ ჩემპიონი გახდა. მათ ეს დაიმსახურეს, მთელი სეზონის განმავლობაში შესანიშნავ ფეხბურთს თამაშობდნენ, ძალიან, ძალიან კარგები იყვნენ.

სპალეტის სკუდეტო იყო? მწვრთნელი, კარგ და ცუდ შემთხვევაშიც, ყოველთვის მთავარი მოქმედი პირია. ლუჩანომ ძალიან კარგად იმუშავა. რა თქმა უნდა, წარმატების გამეორება რთულია, მაგრამ როდესაც გუნდი ასე აშკარად იგებს ჩემპიონატს, სწორია, რომ შედეგის მთავარი ყველა შემოქმედი გუნდში დარჩეს და იგივეს გაკეთება ისევ სცადოს“, - თქვა ლიპიმ.

შეგახსენებთ, რომ მარჩელო ლიპი „ნაპოლიში“ 1993-1994 წლების სეზონში მუშაობდა და სწორედ ამ კლუბიდან გადავიდა სამუშაოდ „იუვენტუსში“, სადაც ისტორია დაწერა.