ბრატისლავის „სლოვანი“, რომლის ღირსებას გურამ კაშია, ჯაბა კანკავა და გიორგი ჩაკვეტაძე იცავენ, სლოვაკეთის თასის ფინალში დამარცხდა.

ვლადიმირ ვაისის გუნდი ტრნავას „სპარტაკს“ შეხვდა, რომელსაც ანდრე გრინის 57-ე წუთზე გატანილი გოლით ამარცხებდა, მაგრამ უპირატესობა ვერ შეინარჩუნა. ბრატისლაველებმა 85-ე წუთზე გაუშვეს და დამატებითი დრო დაინიშნა, სადაც მასპინძლებმა (ტრნავა საკუთარ მოედანზე თამაშობდა), კიდევ ორი უპასუხო გოლი გაიტანეს.

გიორგი ჩაკვეტაძე 84-ე წუთზე შეცვალეს, ხოლო გურამ კაშია და ჯაბა კანკავა მოედანზე 120 წუთის განმავლობაში იყვნენ.

„სლოვანი“ თასის ფინალში დამარცხდა, მაგრამ ჩემპიონობისთვის იბრძვის, სადაც „დუნაისკა სტრედას“ 2 ქულით უსწრებს და 7 მაისს, სწორედ ამ გუნდს სტუმრად დაუპირისპირდება.