რაფაელ ნადალი ბარსელონას ღია პირველობასაც გამოტოვებს. მან უკვე მოირჩინა ტრავმა, რომელიც ავსტრალიის ღია პირველობაზე თამაშის დროს მიიღო და ახლა იმაზე მუშაობს, რომ სათამაშო ფორმა აღიდგინოს და საფრანგეთის ღია პირველობას კარგად მომზადებული შეხვდეს.
ამავე მიზეზით, ნადალმა ინდიან ველსი და მაიამის ღია პირველობა გამოტოვა და არც მონტე კარლოს მასტერსზე ითამაშა. სამივე მასტერსის სერიის ტურნირია, რომელთაგან მონტე კარლოს ტურნირი თიხნარზე ტარდაბა.
„ბარსელონა ჩემთვის განსაკუთრებული ტურნირია, რომელიც ჩემს სახლთან ახლოს ტარდება, რაც ყოველთვის განსაკუთრებულ გრძნობებს აღძრავს. მზად ჯერაც არ ვარ და ვარჯიშს ვაგრძელებ, რათა როცა კორტზე დავბრუნდები, კონკურენტუნარიანი ვიყო“, - ამბობს ნადალი, ვისაც როლან გაროსი 14-ჯერ აქვს მოგებული.
