ეგვიპტის გუნდის, „ზამალეკის“ გულშემატკივრებმა საკუთარი საყვარელი გუნდის მიერ გაშვებულ მესამე გოლზე უკმაყოფილება სახალისო ჟესტით გამოხატეს, გუნდის პრეზიდენტი კი ამ ფაქტმა გაანაწყენა.



ეგვიპტის ერთ-ერთი საუკეთესო გუნდი, „ზამალეკი“ აფრიკის ჩემპიონთა ლიგაზე სუდანის წარმომადგენელ „ალ მერეიხთან“ 2:3-ს მარცხდებოდა, როდესაც გულშემატკივრებმა უკმაყოფილება სახალისო ჟესტით გამოხატეს. შავებში ჩაცმული რამდენიმე გულშემატკივარი ტრიბუნებზე ისე დაჯდა, რომ უკმაყოფილების გამომხატველი ემოჯი გამოესახათ.

ამ ფაქტმა „ზამალეკის“ პრეზიდენტი, მორტადა მანსური გაანაწყენა და მკაცრი განცხადება გააკეთა:

„ზამალეკს“ თეთრი მაისური აცვია, ორი წითელი ხაზით. ვისაც ჩვენი გულშემატკივრობა სურს, სიამოვნებით მივიღებთ, თუმცა არა შავებში. ის ადამიანები, რომლებიც „ალ მერეიხთან“ გამართულ მატჩს ასე დაესწრნენ, სტადიონზე აღარ დაიშვებიან.“ - განაცხადა გუნდის პრეზიდენტმა.

საბოლოოდ, აღნიშნული მატჩი „ზამალეკის“ გამარჯვებით, 4:3 დასრულდა, თუმცა ეგვიპტის გუნდმა ჯგუფში მესამე ადგილი დაიკავა და მომდევნო ეტაპზე გასვლა მაინც ვერ მოახერხა.