პოლონეთის ექსტრაკლასას 24-ე ტურში პოზნანის „ლეხი“ სტუმრად „პიასტს“ დაუზავდა, რაც ნიკა კვეკვესკირის დამსახურებაა, რომელმაც გოლი გაიტანა.

ქართველმა ნახევარმცველმა მსაჯის მიერ კომპენსირებულ მესამე წუთზე საჯარიმოს გარედან ერთი შეხებით დაარტყა და ანგარიში გაათანაბრა - 1:1. ნიკასთვის ეს სეზონში მეორე გოლია (37 შეხვედრაში ყველა ტურნირზე).

კვეკვესკირისგან განსხვავებით, რომელმაც შეუცვლელად ითამაშა, მოედანზე არ გასულა გიორგი წიტაიშვილი - ის სათადარიგო სკამზე იყო.

„ლეხს“ 40 ქულა აქვს და სატურნირო ცხრილში მესამე ადგილზეა, მომდევნო ტურში კი 19 მარტს, ლოძის „ვიძევს“ დაუპირისპირდება.