ფეხბურთი

17:51 | 26.02.2023 | ნანახია [] - ჯერ

"ინტერმა" წააგო და "ნაპოლის" 18 ქულით ჩამორჩა!

იტალიის სერია A-ს 24-ე ტურში „ინტერი“ „ბოლონიასთან“ დამარცხდა, რის შედეგადაც, „ნაპოლის“ უპირატესობა საჩემპიონო რბოლაში კიდევ უფრო გაიზარდა.

„ნერაძურიმ“ ცუდად ითამაშა და მეტოქეს ვერაფერი დააკლო, ბოლოს კი, გოლიც გაუშვა და უქულოდ დარჩა. 76-ე წუთზე რიკარდო ორსოლინიმ გამარჯვების გოლი ახლო მანძილიდან გაიტანა.

„ინტერისთვის“ ეს ალბათ, საბოლოოდ ნიშნავს სკუდეტოსთან დამშვიდობებას, რადგან ჩამორჩენა უკვე 18 ქულაა.

სეზონის ფინიშამდე 14 ტურით ადრე „ნაპოლი“ უახლოეს მდევარ „ინტერს“ 18 ქულით უსწრებს, რაც ძალიან დიდი სხვაობა და უპირატესობაა.

ლუჩანო სპალეტის გუნდი ჯერ ხომ თვითონ თამაშობს ბრწყინვალედ, შემდეგ მის კონკურენტებსაც არ აქვთ მარტივი სეზონი, რამაც წესით ისტორიაში მესამე სკუდეტო ნეაპოლიტანურ კლუბს უნდა მოაგებინოს.

„ბოლონია“ – „ინტერი“ 1:0 (0:0)

გოლი: 1:0 ორსოლინი (76)

სარეკლამო ადგილი - 23
250 x 500
0.097841