ავტოსპორტი

0:20 | 20.01.2023 | ნანახია [] - ჯერ

მაგნუსენი დეიტონას 24-საათიან რბოლაში ხელის ოპერაციის გამო ვერ გამოვა

ფორმულა 1-ის ამერიკულ გუნდ „ჰაასის“ დანიელი მრბოლი კევინ მაგნუსენი, დეიტონას 24-საათიან რბოლაში მონაწილეობას გეგმავდა, მაგრამ ამას იმის გამო ვერ შეძლებს, რომ მარცხენა ხელზე კისტის ოპერაცია გაიკეთა.

მაგნუსენმა ადრევე გამოაცხადა, რომ მარცხენა ხელზე პროცედურების ჩატარება უწევდა, მაგრამ არ დაუკონკრეტებია, რომ ოპერაცია იყო საჭირო. პოპულარულ რბოლაში ის გუნდ „MDK მოტორსპორტის“ „პორშე 911 GT3-ით“ გამოსვლას გეგმავდა.

„ხელის ოპერაციამ კარგად ჩაიარა. მაგრამ ექიმებმა მირჩიეს, რომ დეიტონაზე არ გამოვსულიყავი“, - ამბობს მაგნუსენი.

დეიტონას 24-საათიანი რბოლის სტარტი 28 იანვარს არის დაგეგმილი. ფორმულა 1-ის წინასასეზონო ტესტები კი ბაჰრეინში 23-25 თებერვალს გაიმართება. ახალი სეზონიც ბაჰრეინში გაიხსნება, სადაც პირველი ეტაპის რბოლა 5 მარტს უნდა ჩატარდეს.

დანიელ პილოტს იმედი აქვს, რომ ტესტებისთვის მწყობრში იქნება.

0.111073