ფეხბურთი

22:26 | 15.01.2023 | ნანახია [] - ჯერ

„არსენალმა“ „სიტის“ რვა ქულით გაუსწრო

ჩრდილოლონდონურ დერბიში ლიდერმა „არსენალმა“ „ტოტენჰემს“ სტუმრად 0:2 მოუგო და უშუალო მდევარ „მანჩესტერ სიტის“ რვა ქულით გაუსწრო. მიკელ არტეტას გუნდი აგრძელებს საჩემპიონო სვლას.

ანგარიში მე-14 წუთზე გაიხსნა, როცა ბუკაიო საკას ჩაწოდეული ბურთი „დეზების“ ფრანგმა მეკარემ, უგო ლორისმა უხეიროდ მოიგერია და საკუთარ კარში შეაგდო.

36-ე წუთზე კი მატჩის ერთ-ერთმა საუკთესო მოთამაშემ, მარტინ ედეგორმა, საჯარიმოს გარედან გამოზომილი დარტყმით მეორე ბურთი გაიტანა.

„არსენალმა“ 47 ქულა მოაგროვა და კვლავ დამაჯერებლად ლიდერობს.

„ჩელსიმ“ ასევე ლონდონურ დერბიში 1:0 სძლია „კრისტალ პალასს.“ ეს „ლურჯების“ პირველი გამარჯვება გახლდათ 2023 წელს. ამით მათ სამწაგებიანი სერიაც დაასრულეს. გამარჯვების გოლი 64-ე წუთზე გერმანელმა კაი ჰავერცმა გაიტანა.

„ნიუკასლმა“ ალეკსანდერ ისაკის გვიანი გოლით 1:0 მოუგო „ფულემს“ და საკლუბო რეკორდი გაიმეორა: „კაჭკაჭები“ უკვე ზედიზედ 14 მატჩია აღარ აგებენ, რაც მათივე ოდინდელი მიღწევის გამეორებაა. ედი ჰაუს გუნდმა ბოლოს პრემიერლიგაში 2022 წლის 31 აგვისტოს წააგო „ლივერპულთან“ (1:2). მას შემდეგ ჯორდებმა ცხრა მაჩი მოიგეს და ხუთი ფრედ დაასრულეს. თან მეხუთე შეხვედრაა გოლი არ გაუშვიათ.

თუმცა ისიც უნდა აღვნიშნოთ, რომ 69-ე წუთზე სტუმარმა ალეკსანდარ მიტროვიჩმა პენალტი ვერ გაიტანა.

„ნიუკასლს“ ახლა 38 ქულა მოუგროვდა და მესამე ადგილზე დგას.

ინგლისი

პრემიერლიგა

მე-20 ტური. 15 იანვარი

ტოტენჰემი - არსენალი 0:2

ლონდონი. „ტოტენჰემ ჰოთსფური“

0:1 ლორისი (14 საკ. კარში), 0:2 ედეგორი (36)

ტოტენჰემი: ლორისი, დოჰერტი (რიშარლისონი 71), რომერო, დაიერი, ლანგლე, სესენონი (პერიშიჩი 76), ჰოიბერგი, სარი (ბისუმა 76), კულუშევსკი, სონი, კეინი

მწვრთნელი: ანტონიო კონტე

არსენალი: რემსდეილი, უაითი, სალიბა, გაბრიელი, ზინჩენკო (ტომიასუ 85), ჯაკა, პარტი, ედეგორი (ვიეირა 90+4), საკა, ნკეიტა (სმიტ-როუ 90+3), მარტინელი (ტირნი 79)

მწვრთნელი: მიკელ არტეტა

მაჯი: კრეიგ პოუსონი

გაფრთხილება: რომერო (35), სესენონი (45+1), სარი (53), ლანგლე (72); მარტინელი (70), გაბრიელი (90+1)

ჩელსი - კრისტალ პალასი 1:0

1:0 ჰავერცი (64)

ნიუკასლი - ფულემი 1:0

1:0 ისაკი (89)

0.117736