არგენტინელი მოდელი მეტსახელად „პამპიტა“, სწორსახელად კი ანნა კაროლინა ანდოჰანი ერთი ხანობა არგენტინელი ფეხბურთელის, მაქსი როდრიგესის სატრფო იყო და მათი საწოლის ჭრაჭუნის ხმამ ბულვარულ მედიამდეც კი მიაღწია. თუმცა, შემდეგ ეს რომანი დასრულდა და „პამპიტაც“ სპორტულ საზოგადოებას მიავიწყდა.

აი ახლა კი, როდესაც არგენტინის საფეხბურთო ნაკრებმა ყატარში ესოდენ ნანატრ მსოფლიოს ჩემპიონობას უწია, ქალბატონი ანნა სანათა ბებოს ჭრელი წინდებივით ისევ გამომზეურდა და ჟურნალისტებთან საუბარში განაცხადა, რომ ცოტა ხნის წინ ლეო მესი ეკურკურებოდა და მან ლაიონელს უარი სტკიცა იმის გამო, რომ მის მეუღლეს, ანტონელა რეკუზოს იცნობს და არ უნდოდა მესის ცოლის განაწყენება.

კიდევ კარგი, რომ არც ლეო მესია დიდად მექალთანე და ბევრი ცნობილი ფეხბურთელის ცოლისგან განსხვავებით არც ანტონელააა ეჭვების საბუდარი, თორემ ამ ამბავს აუცილებლად დიდი სკანდალი მოჰყვებოდა. ლეო მესიმ კი როცა ეს ბრალდებები შეიტყო, ტრადიციულად ჩაიცინა და ჩაილაპარაკა: „მაშ მტყუანს უბწკინოს ვაგნერ ლავმაო“... ეს ვაგნერ ლავი რაღა შუაში იყო, ნამდვილად არ ვიცით...