თბილისის ჭადრაკის სასხლეში ვაჟთა 82-ე ჩემპიონატის პირველი ტური გაიმართა.
თამაშებმა ვაჟთა ჭადრაკისთვის დამახასიათებელ მშვიდ ტემპში ჩაიარა. 5 შეხვედრიდან 4 პარტია ფრედ დასრულდა.
ტურის ერთადერთი შედეგიანი პარტია, ჩემპიონატის რეიტინგ-სიის ლიდერის, მერაბ გაგუნაშვილსა და ნიკოლოზ პეტრიაშვილს შორის დაფიქსირდა. თეთრებით მოთამაშე გაგუნაშვილმა მეტოქის მიერ დებიუტში დაშვებული უზუსტობები კარგად გამოიყენა და დამაჯერებლად გაიმარჯვა.
მიუხედავად ყაიმისა საკმაოდ საინტერესო ბრძოლა მიმდინარეობდა: ლუკა პაიჭაძესა და გაიოზ ნიგალიძეს შორის. ასევე, მიხეილ მჭედლიშვილსა და ნიკოლოზ კაჭარავას შორის.
ყოველგვარი ბრძოლის გარეშე, ყაიმით დასრულდა შემდეგი შეხვედრები: დავით მაღალაშვილი- თორნიკე სანიკიძე; ნოე თუთისანი - გიგა ყუფარაძე.
ამრიგად, პირველი ტურის შემდეგ ერთიდან ერთი გამარჯვებით მერაბ გაგუნაშვილი ლიდერობს.
მეორე ტურში ერთმანეთს დაუპირისპირდებიან:
კაჭარავა - ყუფარაძე
სანიკიძე - თუთისანი
პეტრიაშვილი - მაღალაშვილი
ნიგალიძე - გაგუნაშვილი
მჭედლიშვილი - პაიჭაძე.
საქართველოს ჭადრაკის ფედერაციის ფეისბუქ-გვერდი
