„ნაპოლისა“ და „სასუოლოს“ მატჩს ქართველ გულშემატკივართა ჯგუფი დაესწრო, რომლებთანაც შეხვედრის დასრულების შემდეგ ხვიჩა კვარაცხელია მივიდა და მაისური გულშემატკივრებში გადააგდო.
თუმცა, Areanapoli წერს, რომ კვარას მაისური ქართველებს ნეაპოლელმა ქომაგმა გამოსტაცა, რომელიც მაისურის ხელში ჩაგდების შემდეგ გაიქცა და შესაბამისად, ხვიჩას მაისურიც მას დარჩა...
შეგახსენებთ, რომ „ნაპოლიმ“ „სასუოლო“ 4:0 დაამარცხა, ხოლო ხვიჩა კვარაცხელიამ გოლი გაიტანა და ორი საგოლე პასი გააკეთა.
