„დინამო თბილისის“ ვებგვერდმა რომან ფიფიასთან ვრცელი ინტერვიუ გამოაქვეყნა, რომელშიც მან სხვადასხვა საკითხებზე ისაუბრა. ფიფიამ განმარტა რატომ მიიღო კლუბის გაყიდვის ინტერესი და ისიც თქვა, რომ საქართველოდან კლუბის შეძენით არავინ დაინტერესებულა.
„სამწუხაროდ, საქართველოდან ინტერესი არავის გამოუხატავს. ის, რასაც „დინამოსთვის“ ვაკეთებ, მომავალშიც შემიძლია გავაკეთო, მაგრამ ეს სასურველი შედეგებისთვის საკმარისი არ არის, სწორედ ამიტომ მივიღე გასხვისების გადაწყვეტილება. 2011 წლიდან „დინამო თბილისი“ ძალიან განვითარდა, ჩვენი აკადემია საქართველოს ნაკრების მთავარი დასაყრდენია“, - ამბობს ფიფია ინტერვიუში, რომლის სრული ვერსიის ხილვა ვიდეოში შეგიძლიათ.
