ფეხბურთი

16:25 | 28.07.2022 | ნანახია [] - ჯერ

ვლადიმირ ვაისი: "წაგება ჩემი ბრალია, ემოციებით გონება დამებინდა"

ბრატისლავის „სლოვანის“ ფეხბურთელმა და საქართველოს ნაკრების კაპიტანმა გურამ კაშიამ „ფერენცვაროშთან“ მარცხის (1:4) შემდეგ თქვა, რომ ახლა იმედგაცრუების დრო არ არის, რადგან მიზანი რომელიმე ევროტურნირი ჯგუფურ ეტაპზე მოხვედრაა.

„რა თქმა უნდა, უნდა იმედგაცრუებულები ვართ, მაგრამ ახლა იმედგაცრუების დრო არ არის, რადგან რომელიმე ევროტურნირის ჯგუფურ ეტაპზე უნდა მოვხვდეთ“, - ციტირებს სლოვაკური მედია კაშიას სიტყვებს.

უნგრეთის ჩემპიონთან წაგება ვლადიმირ ვაისმა საკუთარ თავზე აიღო და თქვა, რომ მატჩის მიწურულს შეცვლები სწორად ვერ გააკეთა.

„წაგებას საკუთარ თავზე ვიღებ, ჩემმა ემოციებმა გადააჭარბა რაციონალურ გადაწყვეტილება და გონება დამებინდა. საბოლოოდ, შეტევის გაძლიერება გადავწყვიტე „ფერენცვაროშის“ გასატეხად, მაგრამ ვლაიდმირ ვაისი (უმცროსი - რედ) და ჩავრიჩი სათამაშოდ მზად არ იყვნენ. სამწუხაროდ, ეს არასწორი სვლა იყო და მატჩის ბოლო ნაწილი ჩვენთვის ტრაგიკული იყო. ფეხბურთელებზე დასაბრალებელი არაფერი მაქვს, ჩვენი შესაძლებლობების ზღვარზე ვითამაშეთ და ვიმეორებ: საკუთარ თავზე ვიღებ შედეგს“, - თქვა ვაისმა.

შეგახსენებთ, „სლოვანმა“ ევროპა ლიგაზე გადაინაცვლა, რომლის მესამე საკვალიფიკაციო ეტაპზე პირეოსის „ოლიმპიაკოსს“ 4 აგვისტოს სტუმრად და 11 აგვისტოს შინ დაუპირისპირდება.

0.102423