ინგლისის ნაკრების ფეხბურთელმა ჰარი კეინმა მსოფლიოს 2022 წლის ჩემპიონატის ფავორიტები დაასახელა. უცნაური ის არის, რომ „ტოტენჰემის“ ფორვარდმა სიაში იტალიის ნაკრებიც შეიყვანა, რომელიც მსოფლიოს ჩემპიონატზე საერთოდ ვერ ითამაშებს.

„მსოფლიოს ჩემპიონატზე ბევრი კარგი გუნდია - გერმანია, საფრანგეთი, ესპანეთი, იტალია, ასევე ბრაზილია და არგენტინა. ბევრი ტოპნაკრებია მსოფლიოს მასშტაბით. იმისთვის, რომ ასეთი ტურნირი მოიგო, 7 თამაში ძალიან მაღალ დონეზე უნდა ჩაატარო. ასე რომ, ერთა ლიგის ტურნირი შესანიშნავი მოსამზადებელი ეტაპია, რაც საჭიროა მუნდიალისთვის მოსამზადებლად“, - თქვა კეინმა.

შეგახსენებთ, რომ ევროპის მოქმედი ჩემპიონი იტალია, რომელმაც ერთი წლის წინ ფინალში ლონდონში, სწორედ ინგლისი დაამარცხა, მსოფლიოს ჩემპიონატზე ვერ გავიდა.