ჩოგბურთი

3:50 | 11.05.2022 | ნანახია [] - ჯერ

კრის ევერტმა ქიმიოთერაპიის კურსი დაასრულა

ლეგენდარულმა ამერიკელმა ჩოგბურთელმა კრის ევერტმა, ქიმიოთერაპიის მეექვსე და ფინალური კურსი წარმატებით გაიარა. მსოფლიოს ყოფილ პირველ ჩოგანს, ვისაც დიდი სლემის 18 ტიტულ აქვს მოპოვებული, საკვერცხეების კიბოს პირველი სტადია იანვარში დაუდგინდა.

„წამლების გამო, ცოტა ვერ ვარ კარგად, მაგრამ მადლობელი ვარ და მიხარია, რომ ქიმიის ექვსივე კურსი ჩავიტარე. მიყვარხართ და თქვენი ძალიან მადლობელი ვარ. და იმედი მაქვს, რომ თქვენთან მოსვლა აღარ მომიწევს“, - ევერტმა მადლობა გადაუხადა სამედიცინო პერსონალს, რომელიც მას მკურნალობდა.

ევერტის უმცროსი და, ისიც ყოფილი პროფესიონალი ჩოგბურთელი, ჯენი ევერტ დუბინი, 2020 წელს, საკვერცხეების კიბთი გარდაიცვალა. ის 62 წლის იყო. ოღონდ, მას დიაგნოზი დაგვიანებით დაუსვეს, როცა ის მთელ სხეულზე მოდებული ჰქონდა.

კრის ევერტი ახლა 67 წლისაა. ექიმმა მას უთხრა, რომ მკურნალობა დასრულდა და 90 პროცენტზე მეტია იმის შანსი, რომ დაავადების რეციდივი აღარ ექნება, რადგან მისი მკურნალობა ადრეულ სტადიაშივე ჩატარდა.

0.119211