ფეხბურთი

14:09 | 26.01.2022 | ნანახია [] - ჯერ

მატიას გინტერი "ბაიერნის" სამიზნეა

„გლადბახის“ მცველი მატიას გინტერი მიუნხენის „ბაიერნის“ სამიზნეა. ამის შესახებ გერმანული მედია იტყობინება.

გინტერს „გლადბახთან“ კონტრაქტი სეზონის ბოლოს ეწურება, რომელსაც არ გაახანგრძლივებს და 1 ივლისიდან თავისუფალი აგენტი გახდება. „რეკორდმაისტერს“ სურს, რომ 28 წლის ფეხბურთელი ხელში უფასოდ ჩაიგდოს და კონტრაქტიც შესთავაზა.

როგორც ცნობილი გახდა, „ბაიერნი“ მზადაა გერმანელ მცველს 4-წლიანი კონტრაქტი გაუფორმოს, ხელფასის ოდენობა კი უცნობია. აღსანიშნავია, რომ გინტერს აქტიურად მილანის „ინტერსაც“ უკავშირებენ.

მიმდინარე სეზონში გინტერმა „გლადბახში“ 11-ჯერ ითამაშა, მთლიანობაში კი „ბორუსიას“ მაისურით 2017 წლიდან დღემდე 159 თამაშში 10 გოლი აქვს გატანილი.

0.117151