ესპანეთის სუპერთასის ფინალში ბილბაოს „ატლეტიკი“ ითამაშებს, რომელმაც ნახევარფინალში მადრიდის „ატლეტიკოს“ მოუგო.

პირველი ტაიმი უგოლოდ დასრულდა, მეორე ნახევარში კი უნაი სიმონის ავტოგოლით დიეგო სიმეონეს გუნდი 62-ე წუთზე დაწინაურდა. თუმცა „როხიბლანკოს“ უპირატესობა მხოლოდ 15 წუთი გაგრძელდა. მერე, იერაი ალვარესმა და ნიკო უილიამსმა 4-წუთია ინტერვალში ორჯერ გაიტანეს და ბასკები ფინალში გავიდნენ.

ამრიგად, ესპანეთის სუპერთასის ფინალში მადრიდის „რეალი“ და „ბილბაო“ შეხვდებიან. მატჩი 16 იანვარს, საუდის არაბეთში შედგება.