მიუნხენის „ბაიერნში“ კოვიდინფიცირებულთა რაოდენობა გაიზარდა. ამჯერად კორონავირუსი ლეროი სანესა და დაიო უპამეკანოს დაუდასტურდათ.
ორივე ფეხბურთელი თვითიზოლაციაში იმყოფება და თავს კარგად გრძნობენ. მანამდე „რეკორმდაისტერში“ ექვს ფეხბურთელს დაუდასტურდა კოვიდ-19: ლუკას ერნანდესს, ტიანგი ნიანზუს, მანუელ ნოიერს, კორენტინ ტოლისოს, კინგსლი კომანსა და ომარ რიჩარდსს.
„ბაიერნმა“ ბუნდესლიგის მორიგი ტურის მატჩი 7 იანვარს, „გლადბახის“ წინააღმდეგ უნდა ჩაატაროს, მაგრამ შესაძლოა, თამაში გადაიდოს.
