საფეხბურთო კლუბ „თელავს“ ფინანსური პრობლემები შეექმნა და რამდენიმე ფეხბურთელმა გუნდი დატოვა. როგორც კახური კლუბის ვებგვერდი იტყობინება, მიხეილ ბაშელეიშვილი, ირაკლი რუხაძე, თორნიკე ძოწენიძე, ლაშა შერგელაშვილი მომდევნო სეზონში „თელავის“ ღირსებას აღარ დაიცავენ.

„ძვირფასო გულშემატკივრებო, მართალია, რამდენიმე დღის წინ გაცნობეთ, რომ სკ "თელავი" არ იშლება და კლუბის ხელმძღვანელობაც აქტიურ მოლაპარაკებას აწარმოებდა ფეხბურთელებთან ხელშეკრულების გაგრძელების თაობაზე, მაგრამ უდიდესი სურვილის და არაერთი მცდელობის მიუხედავად, სამწუხაროდ, ვერ შევთანხმდით...

დაბეჯითებით გეტყვით, რომ ყოველივე ზემოთქმულიდან გამომდინარე, კლუბი, ცხადია, არსებობას არ წყვეტს, მაგრამ ფაქტობრივად, სრულიად ახალი გუნდით და თავისთავად, ახალი მწვრთნელით მიიღებს მონაწილეობას 2022 წლის ეროვნულ ჩემპიონატში და ასევე ისიც გვჯერა, რომ ჩვენს დევიზს არ გადავუხვევთ!

ერთი სიტყვით, ჩვენი გუნდის მაისურით მომავალი სეზონიდან არ ითამაშებენ: მიხეილ ბაშელეიშვილი, ირაკლი რუხაძე, თორნიკე ძოწენიძე, ლაშა შერგელაშვილი.

სკ "თელავი" მადლობას უხდის ბიჭებს, ჩვენი გუნდისთვის მართლაც კოლოსალური შრომით და სიყვარულით გაწეული სამსახურისთვის და სამომავლოდ თითოეულ მათგანს ყოველივე საუკეთესოს და წარმატებებს ვუსურვებთ. მადლობა ბაშალ, მადლობა რუხა, მადლობა ძოწენ და მადლობა შერგელ - ყველაფრისთვის გემადლიერებით, ძალიან გაფასებთ და გვიყვარხართ“, - ნათქვამია კლუბის ოფიციალურ განცხადებაში.

შეგახსენებთ, რომ „თელავმა“ გასულ სეზონში კრისტალბეთ ეროვნულ ლიგაში ადგილი პლიე-აუტის გარეშე შეინარჩუნა.