საქართველოს ფეხბურთის ფედერაციის ყოველწლიური დაჯილდოება GFF Awards, შარშანდელის მსგავსად, მიმდინარე წელსაც ონლაინ რეჟიმში იმართება.
2021 წლის საუკეთესოთა გამოვლენა 29 დეკემბერს 12:00 საათიდან დაიწყო.
ალექსანდრე ჩივაძის მედლისა და ფუტსალის ლაურეატების შესახებ უკვე ვწერდით.
ქვეყნის საუკეთესო ქალი ფეხბურთელი „ლანჩხუთის“ მოთამაშე, ხატაია ჭყონია გახდა. ასევე ნომინირებულნი იყვნენ - თეონა ბაქრაძე და ეთერ სულაშვილი
ქალთა ლიგის საუკეთესო მწვრთნელი, ასევე „ლანჩხუთის“ და ქვეყნის ნაკრების დამრიგებელი, გიორგი ჩხაიძეა. ნომინანტები იყვნენ - ლაშა მანწკავა და ზურაბ ლატარია.
წლის საუკეთესო მსაჯად კი გიორგი ყრუაშვილი დაასახელეს.
გამარჯვებულების გამოვლენა გრძელდება.