სერია A-ს მე-15 საოცრად დრამატული მატჩით დასრულდა. „ლაციომ“, რომელსაც ბოლო ორი თამაში წაგებული ჰქონდა, „უდინეზეს“ უმასპინძლა და გულშემატკივარმა ნამდვილი დრამა იხილა.

„უდინეზე“ თავიდან 2:0-ს იგებდა, ხოლო ტაიმი 3:1 მოიგო. 56-ე წუთისთვის მაურიციო სარის გუნდმა ანგარიში გაათანაბრა, ერთ წუთში კი მოედანზე კაცნაკლული დარჩა. 69-ე წუთზე მოედანზე რიცხობრივი უპირატესობა აღდგა, რადგან ფეხბურთელი „უდინეზესაც“ გაუძევეს.

ზუსტად 10 წუთში ფრანჩესკო აჩერბიმ „ლაციო“ წინ გაიყვანა, მაგრამ რომაელებმა მაინც ვერ მოიგეს, რადგან მსაჯის მიერ კომპენსირებულ მე-9(!) წუთზე არსლანმა გაათანაბრა და 4:4! მერე „უდინეზეს“ კიდევ ერთი ფეხბურთელი (უოლასი) გაუძევეს, თუმცა ანგარიშის შესაცვლელად დრო აღარ იყო.

მოკლედ, 8 გოლი, 3 წითელი ბარათი და ნამდვილად დიდებული დაპირისპირება „სტადიო ოლიმპიკოზე“. „ლაციო“ 22 ქულით მეცხრე ადგილზეა, ხოლო „უდინეზეს“ 16 ქულა აქვს და მე-14 საფეხურზეა.