ფეხბურთი

21:42 | 24.08.2021 | ნანახია [] - ჯერ

"ატალანტამ" "ჩელსის" მცველი დაიმატა

ბერგამოს „ატალანტამ“ ლონდონის „ჩელსის“ მარჯვენა მცველი დავიდე ძაპაკოსტა დაიმატა. 29 წლის ფეხბურთელმა „ნერაძურისთან“ 4-წლიანი კონტრაქტი გააფორმა.

ძაპაკოსტამ ჰანს ჰატებური უნდა შეცვალოს, რომელმაც მძიმე ტრავმა მიიღო და 4 თვე ვერ ითამაშებს. აღსანიშნავია, რომ ის „ატალანტას“ კარგად იცნობს და 2014-2015 წლების სეზონში ბერგამოელთა რიგებში 30 მატჩში 3 გოლი გაიტანა.

ამის შემდეგ ძაპაკოსტამ „ტორინოში“ ითამაშა და 2017 წელს ანტონიო კონტემ ის „ჩელსიში“ წაიყვანა, რომლის მაისურით 52 შეხვედრაში თავი ორჯერ გამოიჩინა. თუმცა 2019 წლიდან იჯარით ჯერ „რომაში“ იყო, ხოლო გასულ სეზონში „ჯენოაში“ ითამაშა და 25 თამაშში 4 გოლი გაიტანა. იტალიის ნაკრებში ძაპაკოსტას აქტივში 13 თამაშია.

0.160707