ფეხბურთი

1:56 | 6.05.2021 | ნანახია [] - ჯერ

უეფა ევროთასებიდან ოთხი კლუბის 2-წლიან დისკვალიფიკაციას განიხილავს

უეფა ევროტურნირებიდან ოთხი კლუბის დისკვალიფიკაციას სერიოზულად განიხილავს. ESPN-ის ცნობით, ბოლო 10 დღის განმავლობაში უეფას პრეზიდენტ ალექსანდერ ჩეფერინს აქტიური კონტაქტი ჰქონდა, ტურნირის დამფუძნებელ 12-ვე კლუბთან.

შვიდმა კლუბმა, მათ შორის, ექვსივე ინგლისურმა და მადრიდის „ატლეტიკომ“ უეფას დაუდასტურეს, რომ სუპერლიგის იდეას განუდგნენ. მოლაპარაკებები წარმატებით მიმდინაროებს "ინტერთანაც" და სავარაუდოდ, იტალიელების მალე სუპერლიგის დატოვებას უეფას დაუდასტურებენ. „ბარსელონასთან“, „რეალთან“, „იუვენტუსთან“ და „მილანთან“ კი ჯერჯერობით შეთანხმება მიღწეული არ იქნა.

ისინი ჯერ კიდევ მხარს უჭერენ სუპერლიგის პროექტს, რომელიც შექმნიდან 48 საათში ჩაიშალა. შედეგად, ჩეფერინი და უეფა ხსენებული კლუბების ევროთასებიდან 2-წლიან დისკვალიფიკაციაზე ფიქრობენ (ჩემპიონთა ლიგა, ევროპა ლიგა, კონფერენს ლიგა). ჯერჯერობით, სხვა დეტალები უცნობია.

საინტერესოა, რომ ფრანგულ L’Equipe-თან ინტერვიუში ფიფას პრეზიდენტმა ჯანი ინფანტინომ თქვა, რომ სუპერლიგა შეცდომა იყო, მაგრამ უეფას მხრიდან კლუბების დასჯა და ამაზე საუბარი, ასევე შეცდომაა და ეს არ უნდა მოხდეს.

შეგახსენებთ, სუპერლიგის პრეზიდენტი ფლორენტინო პერესი ტურნირის იდეას ჯერ კიდევ სიცოცხლისუნარიანად მიიჩნევს და ამბობს, რომ 12-ვე კლუბს სუპერლიგასთან კონტრაქტი აკავშირებს, ამიტომ, მისი დატოვების სანაცვლოდ დიდძალი კომპენსაციის გადახდა მოუწევთ.

0.123519