ევროლიგის რეგულარული სეზონი დასრულდა, რის შედეგადაც გაირკვა რვავე გუნდი, რომელიც პლეი-ოფში ითამაშებს. თორნიკე შენგელიას ცსკა-მ მეორე ადგილი დაიკავა და მხოლოდ „ბარსელონას“ ჩამორჩა.

მოსკოველები მეოთხედფინალში რეგულარული სეზონის მეშვიდეადგილოსან სტამბოლის „ფენერბახჩეს“ შეხვდება. წყვილებში გამარჯვებული ოთხი გუნდი მომდევნო ეტაპზე, კონკრეტულად კი ოთხთა ფინალში გააგრძელებს ასპარეზობას.

„ბარსელონა“ (ესპანეთი) – „ზენიტი“ (რუსეთი)

ცსკა (რუსეთი) – „ფენერბახჩე“ (თურქეთი)

„მილანო“ (იტალია) – „ბაიერნი“ (გერმანია)

„ანადოლუ ეფესი“ (თურქეთი) – „რეალი“ (ესპანეთი)

თითოეული სერია სამ მოგებამდე გაგრძელდება და მეოთხედფინალური ეტაპის პირველი მატჩები 20-21 აპრილს გაიმართება.