ფეხბურთი

21:38 | 22.03.2021 | ნანახია [] - ჯერ

საქართველოს ნაკრები შეიკრიბა და სანიოლმა გუნდი პირველად ავარჯიშა (+VIDEO)

საქართველოს ნაკრები შეიკრიბა და ვილი სანიოლის ხელმძღვანელობით პირველად ივარჯიშა. ფრანგი სპეციალისტის განკარგულებაში სადებიუტო ვარჯიშზე მხოლოდ 16 ფეხბურთელი იყო.

ეროვნულ გუნდთან ერთად ლეგიონერები - გიორგი ლორია, გიორგი ქვილითაია, გურამ გიორბელიძე, ოთარ კიტეიშვილი, გიორგი მიქაუტაძე, ლევან შენგელია, ოთარ კაკაბაძე, დავით ხოჭოლავა და ვაკო გვილია ხვალიდან ივარჯიშებენ.

საქართველოს ნაკრები თბილისში 23 მარტს კიდევ ერთხელ ივარჯიშებს, ხოლო შემდეგ გეზს შვედეთისკენ აიღებს, სადაც 25 მარტს მსოფლიოს 2022 წლის ჩემპიონატის შესარჩევი ციკლის პირველ მატჩს ჩაატარებს.

ვილი სანიოლის გუნდს შვედეთის გარდა, 28 მარტს, თბილისში, ესპანეთთან და 31 მარტს, სალონიკიში, საბერძნეთის ნაკრებთან თამაში ელოდება. შვედეთთან მატჩი თბილისის დროით 23:45 საათზე დაიწყება.

საქართველოს ნაკრების შემადგენლობა შვედეთის, ესპანეთისა და საბერძნეთის წინააღმდეგ:

მეკარეები: გიორგი ლორია (ანორთოსისი, ფამაგუსტა, კვიპროსი), გიორგი მამარდაშვილი (ლოკომოტივი, თბილისი, საქართველო), ლაზარე კუპატაძე (დინამო, ბათუმი, საქართველო)

მცველები: გურამ კაშია (ლოკომოტივი, თბილისი, საქართველო), ოთარ კაკაბაძე (ტენერიფე, ესპანეთი), დავით ხოჭოლავა (შახტარი, დონეცკი, უკრაინა), გია გრიგალავა (არსენალი, ტულა, რუსეთი), ჯიმი ტაბიძე (უფა, რუსეთი), ლაშა დვალი (ფერენცვაროში, ბუდაპეშტი, უნგრეთი), გურამ გიორბელიძე (ვოლფსბერგი, ავსტრია), გრიგოლ ჩაბრაძე (დინამო, ბათუმი, საქართველო)

ნახევარმცველები: ჯაბა კანკავა (ვალენსიენი, საფრანგეთი), ნიკა კვეკვესკირი (ლეხი, პოზნანი, პოლონეთი), გიორგი აბურჯანია (კარტახენა, ესპანეთი), საბა ლობჟანიძე (ანკარაგუჯუ, ანკარა, თურქეთი), ჯაბა ჯიღაური (დინამო, ბათუმი, საქართველო), ლაშა პარუნაშვილი (ესბიერგი, დანია), ოთარ კიტეიშვილი (შტურმი, გრაცი, ავსტრია), ხვიჩა კვარაცხელია (რუბინი, ყაზანი, რუსეთი), ლევან შენგელია (კონიასპორი, კონია, თურქეთი), ვაკო გვილია (ლეგია, ვარშავა, პოლონეთი)

თავდამსხმელები: გიორგი ქვილითაია (ანორთოსისი, ფამაგუსტა, კვიპროსი), გიორგი მიქაუტაძე (სერენი, ბელგია), ბუდუ ზივზივაძე (ფეჰერვარი, სეკეშფეჰერვარი, უნგრეთი), გიორგი ბერიძე (უიპეშტი, ბუდაპეშტი, უნგრეთი)

0.154085