„მილანის“ თავდამსხმელი ზლატან იბრაჰიმოვიჩი სანრემოს ფესტივალზე მოტოციკლით მივიდა, თანაც არა თავისი, არამედ ვინმე ფრანკოს, რომელიც „მილანის“ გულშემატკივარიც აღმოჩნდა.

ავტომაგისტრალზე გადატვირთული მოძრაობა იყო და ზლატანმა გადაწყვიტა სანრემოში არა მანქანით, არამედ მოტოციკლით არჩია და გზაში უცნობი პიროვნებაც გააჩერა, რომელმაც ისტორია დეტალურად გაიხსენა.

„მოძრაობაში გავჩერდი, შავი ფურგუნი დავინახე, რომელშიც ორი ადამიანი იმყოფებოდა და ერთი იბრაჰიმოვიჩს ჰგავდა. გავიფიქრე: „მაგრამ, ეს არის იბრა“. მძღოლმა შუშა ჩამოწია და მითხრა: „იბრა გეკითხება, წაიყვან თუ არა სანრემოში“. დიახ, რა თქმა უნდა, მ გაგიყვან, პრობლემა არ არის. მქონდა მეორე ჩაფხუტიც, შემდეგ მეუღლეს დავურეკე და ვუთხარი, რომ იბრას სანრემოში მივყავდი, მაგრამ მან არ დამიჯერა.

იბრას სურდა მოტოციკლი თვითონ ემართა, მაგრამ მე ვუთხარი: „არა, არა, იბრა, მე ვმართავ“. რაც მან ტელევიზორში თქვა, სიმართლეა. მე არ ვარ გამოცდილი ბაიკერი, მაგრამ სანრემოსკენ მიმავალ გზაზე ცოტა მანქანა მოძრაობდა და ყველაფერი საკმაოდ მარტივი იყო.

იბრა შესანიშნავი ადამიანია. მან მკითხა, როგორ შეეძლო მადლობის გადახდა და დამპირდა, რომ მაისურს გამომიგზავნის. ფოტოს გადაღება ვერ მოვახერხე, დაუყოვნებლივ არისტონში შევიდა. ჩემმა ცოლმა კი საბოლოოდ დამიჯერა და ქორწილებას საფრთხე არ ემუქრება“, - თქვა ფრანკომ Radio Montecarlo-სთან საუბარში.

ზლატან იბრაჰიმოვიჩი სანრემოს ფესტივალში პირველად მონაწილეობს და გუშინ სინიშა მიხაილოვიჩთან ერთად იმღერა.