ფეხბურთი

16:46 | 30.01.2021 | ნანახია [] - ჯერ

კონტე ერიკსენის უთამაშებლობაზე: "ფეხბურთი რაგბისგან განსხვავდება"

მილანის „ინტერის“ ნახევარმცველი კრისტიან ერიქსენი ძირითად შემადგენლობაში იშვიათად ხვდება, თუმცა იტალიის თასზე „მილანთან“ მან ულამაზესი საჯარიმო დარტყმით გადამწყვეტი გოლი გაიტანა და ახლა ყურადღების ცენტრშია.

ანტონიო კონტეს ჟურნალისტები ურჩევენ, რომ დანიელს უფრო მეტი სათამაშო დრო მისცეს და ამიტომაც, მას ამ საკითხზე კითხვა დაუსვეს - ერიქსენის სახით ჯარიმების შესანიშნავი შემსრულებელი გყავთ მინდორზე და რატომ არ ათამაშებთო. კონტეს გაეცინა და ასეთი პასუხი გასცა:

„ფეხბურთელის მოედანზე ყოლა ჯარიმების დასარტყმელად? ფეხბურთი რაგბისგან განსხვავდება, ფეხბურთელს მხოლოდ საჯარიმოებისთვის მოედანზე ვერ გავიყვანთ. იმედი გვაქვს, რომ ის ჩვენს თამაშში თავის წვლილს არა მარტო სტანდარტულებით, არამედ თამაშითაც შეიტანს. ამ წლების განმავლობაში „ინტერს“ არ ჰყოლია საჯარიმოების სპეციალისტი და რა თქმა უნდა ეს დამატებთი იარაღია, მაგრამ მის ეფეტურობას თამაშის კუთხითაც ველოდებით“, - თქვა კონტემ.

აქვე გეტყვით, რომ „ინტერმა“ ერიკსენი ჯერ კიდევ იანვრის დასაწყისში ტრანსფერზე დააყენა, მაგრამ დანიელის გასხვისება ვერ მოახერხა. სკანდინავიელი ფეხბურთელი „ნერაძურის“ 1 წლის წინ შეუერთდა, თუმცა ანტონიო კონტეს რჩეულ შემადგენლობაში დამკვიდრებას დღემდე ვერ ახერხებს. ცნობითვის, კრისტიან ერიქსენი „მილანთან“ გატანილი ჯარიმის შემდეგ „ინტერის“ პირველი ფეხბურთელი გახდა 2018 წლის აპრილის შემდეგ, რომელმაც პირდაპირ საჯარიმო დარტყმით გოლი გაიტანა.

0.117544