ფეხბურთი

13:24 | 21.11.2020 | ნანახია [] - ჯერ

ტოტი: "მიხაილოვიჩი "ტორინოში" მიწვევდა, მაგრამ ხალხის გამო კარიერა დავასრულე"

ფრანჩესკო ტოტის შესაძლოა კარიერა არა „რომაში“, არამედ „ტორინოში“ დაესრულებინა. ახლა უკვე „ბოლონიას“ მთავარმა მწვრთნელმა სინიშა მიხაილოვიჩმა განაცხადა, რომ 2017 წელს, როდესაც ტოტი კარიერას ასრულებდა, მის წაყვანას „ტორინოში“ ცდილობდა, სადაც მაშინ მთავარი მწვრთნელი იყო.

„თავიდან ვცდილობდი ის „სამპდორიაში“ ბიანკის მწვრთნელობის დროს წამეყვანა (90-იანი წლები - რედ). მეორედ კი უკვე მწვრთნელი ვიყავი და ისე ვცდილობდი მის დაყოლიებას, როდესაც „ტორინოში“ ვმუშაობდი. ვესუაბრე და მაშინვე მითხრა, რომ „რომას“ შემდეგ არსად წავიდოდა. ეს სწორი გადაწყვეტილება იყო. მე ვუთხარი, რომ მას არაფერი სჭირდებოდა, უბრალოდ ბურთი უნდა მიეცა სხვებისთვის და მის ნაცვლადაც სხვები ირბენდნენ“, - თქვა მიხაილოვიჩმა ავტობიოგრაფიული წიგნის ონლაინ პრეზენტაციისას, რომელსაც ტოტიც ესწრებოდა.

იტალიური ფეხბურთის ლეგენდამ სერბის სიტყვები დაადასტურა: „მართალია, ნებისმიერ ფასად სურდა ჩემი გადაბირება. მაგრამ, ხალხის პატივსაცემად კარიერის დასრულება გადავწყვიტე. თუმცა, სასიამოვნო იქნებოდა ამ წინადადებაზე დათანახმება“, - თქვა ფრანჩესკომ.

შეგახსენებთ, სინიშა მიხაილოვიჩი და ტოტი ერთმანეთს „რომადან“ კარგად იცნობენ, სადაც თანაგუნდელები იყვნენ (1992-1994). ფრანჩესკო ტოტიმ მთელი კარიერა „რომას“ მიუძღვნა და სხვა კლუბში არასდროს უთამაშია.

0.108763