სხვა

3:21 | 28.10.2020 | ნანახია [] - ჯერ

ვუელტას მეშვიდე ეტაპი კანადელმა მაიკლ ვუდსმა მოიგო

ერთდღიანი შესვენების შემდეგ, ვუელტა მეშვიდე ეტაპით განახლდა, რომელიც კანადელი მაიკლ ვუდსის გამარჯვებით დასრულდა. საერთო ჩათვლაში კი ლიდერის წითელი მაისური კი ეკვადორელმა რიჩარდ კარაპასმა შეინარჩუნა.

34 წლის ვუდსმა (EF პრო საიკლინგი), ვისაც პირველ ეტაპზე სერიოზული ინციდენტი შეემთხვა, 159.7-კილომეტრიანი რბოლის მიწურულს, შეტევა ორჯერ წამოიწყო და მიუხედავად იმისა, რომ პირველ მცდელობაზე, ოთხკაციანი ჯგუფი დაეწია, მეორედ მის ტემპს ვეღარავინ აჰყვა. კანადელმა თავის კარიერაში მეორედ (პირველად 2018 წელს) შეძლო ვუელტას ეტაპის მოგება.

მეორე და მესამე ადგილები ესპანელებმა, ომარ ფრაილემ (ასტანა) და ვუელტას ყოფილმა ჩემპიონმა (2009 წელს) ალეხანდრო ვალვერდემ (მოვისტარი) დაიკავეს. ფინიშს პელოტონთან ერთად, 56-წამიანი დაგვიანებით მიაღწია კარაპასმა (ინეოსი), ვინც მეორეზე მყოფ ბრიტანელ ჰიუ კართის (EF პრო საიკლინგი) 18 წამს, ირლანდიელ დენ მარტინს (ისრაელ სტარტ-აპ ნეიშენ) კი 20 წამს უგებს.

მერვე ეტაპიც სამთო რბოლაა და მონაწილეებს 164 კილომეტრის გავლა მოუწევთ.

0.13846