ჩოგბურთი

17:04 | 24.10.2020 | ნანახია [] - ჯერ

ბასილაშვილის ზედიზედ მეცხრე წაგება სეტის მოუგებლად...

ნიკოლოზ ბასილაშვილის წარუმატებელ სერიას ბოლო არ უჩანს. ქართველი ჩოგბურთელი ვენის ტურნირიში ჩაება, სადაც პირველივე შეხვედრაში, საკვალიფიკაციო ეტაპზე დამარცხდა და ასპარეზობას გამოეთიშა.

ნიკოლოზის მეტოქე რეიტინგის 104-ე ნომერი, სლოვაკი ნორბერტ გომბოსი იყო და ქართველმა სეტიც ვერ მოიგო. დაპირისპირება საათსა და 26 წუთს გაგრძელდა და ბრძოლა მხოლოდ პირველ სეტში იყო, რომელიც ტაიბრეიკამდე მივიდა, სადაც სლოვაკმა 7:2 იმარჯვა და შედეგად, სეტი 7:6 მოიგო. მეორე სეტში კი გომბოსმა ქართველ მეტოქეს ადვილად, 6:2 აჯობა.

შედეგად, ბასილაშვილი ზედიზედ მეცხრედ დამარცხდა, თან ისე, რომ ამ 9 შეხვედრაში ერთი სეტიც კი არ მოუგია... აღსანიშნავია, რომ ქართველმა ჩოგბურთელმა ყველა ზემოხსენებული მარცხი კორონავირუსის პანდემიის გამო შეწყვეტილი სეზონის განახლების შემდეგ განიცადა.

ნიკოლოზ ბასილაშვილი - ნორბერტ გომბოსი 0:2 (6:7, 2:6)

0.152339