სებასტიან ფეტელს ძალიან წარუმატებელი ორი რბოლა ჰქონდა სილვერსტოუნზე - ბრიტანეთის დიდი პრიზი მე-10 პოზიციიდან დაიწყო და მასზევე დაასრულა, ფ1-ის 70 წლისთავის დიდი პრიზი კი მე-12 ადგილიდან დაიწყო და ამავე პოზიციაზე დაასრულა. ამასთან, სტარტიდან მალევე დატრიალდა და ბრძლა ბოლო ადგილიდან გააგრძელა.

მსოფლიოს ოთხგზის ჩემპიონს ნათქვამი აქვს, რომ „ფერარი SF1000-ით“ ასპარეზობისას თავდაჯერება არ აქვს. გუნდის შეფმა მატია ბინოტომ სილვერსტოუნის რბოლების შემდეგ განაცხადა, რომ გუნდი ფეტელისთვის შასის გამოცვლას განიხილავს, რადგან თვლის, რომ მისი წარუმატებლობის მტავარი მიზეზი სწორედ ისაა.

და აი, იტალიურმა გუნდმა დაადასტურა, რომ ესპანეთის დიდი პრიზის (ამ უქმეებზე გაიმართება) წინ, ფეტელს შასის შეუცვლის. ამის მიზეზი კი ისაა, რომ ავტომობილის შემოწმებამ, სწორედ შასის დაზიანება გამოავლინა.

„სებასტიანს ახალი შასი ექნება, რადგან სილვერსტოუნის რბოლების შემდგომმა ანალიზმა, მისი დაზიანება გვიჩვენ, რომელიც კერბზე გავლამ გამოიწვია. ვფიქრობთ, რომ ამ დაზიანებას შედეგებზე დიდი გავლენე ვერ ექნებოდა, მაგრამ ეს გადაწყვეტილება ლოგიკურია და ის უნდა მიგვეღო“, - ამბობს „ფერარის“ შასის ინჟინერი სიმონე რესტა.