ფეხბურთი

16:09 | 11.08.2020 | ნანახია [] - ჯერ

"ვალენსიაში" კორონავირუსით ორი ადამიანი დაინფიცირდა

ესპანურ „ვალენსიაში“ კორონავირუსი დაბრუნდა. კლუბმა ოფიციალური განცხადება გამოაქვეყნა, რომლის მიხედვითაც ცნობილი გახდა, რომ ორი ადამიანი დაინფიცირებულია. თუმცა, მათი ვინაობა უცნობია.

„ჩატარებული ტესტირების შედეგად ორი დადებითი პასუხი მივიღეთ, ისინი თვითიზოლაციაში იმყოფებიან და თავს კარგად გრძნობენ“, - წერს „ღამურების“ ვებგვერდი.

უცნობია დაინფიცირებულები ფეხბურთელები არიან, ტექნიკური პერსონალის წევრები თუ კლუბთან მჭიდრო კავშირში მყოფი ადამიანები. აღსანიშნავია, რომ კორონავირუსის პირველი ტალღის დროს ყველაზე მეტი შემთხვევა კლუბებიდან სწორედ „ვალენსიაში“ გამოვლინდა.

აქვე ისიც ვთქვათ, რომ მანამდე მადრიდის „ატლეტიკომ“ დაადასტურა, ორი ფეხბურთელის, ანხელ კორეასა და შიმე ვრსალკოს კორონავირუსით დაინფიცირება.

0.144167